تحضير شنيك رمضان بالمراحل المصورة

مكونات و طريقة تحضير شنيك رمضان بالمراحل المصورة وصفة الاخت نجاة من اكادير المقادير: 500 غرام طحين لفورص(نصف كيلو) بيضة. 2 معالق كبار حليب غبرة (نيدو) 2معالق كبارزبدة مدوبة. 2 معالق كبارساندة. ملح .+1لفاني +نصف معلقة صغيرة محسن لخبز(كيتباع في لمحلات لي كيتباع فيها لوازم للحلويات) أوستعملي 1خميرة لحلوة +خميرة لخبز على حسب لجو باش تخمر. ماء دافي للعجين . لكريمة :لكريم باتسري +حبيبا ت الشكلاط أو زبيب أولفروي كونفي . 200 غرام منكرين لخاصة بالتوراق .أناكنستعمل منكرين أطلس . الطريقة: نأخد لعجان أو إناء نضع فيه جميع لمقادير ونخلط لكل مع إضافة لماء حسب لعجين كتكون شادة في راصها ندلكهامزيان نغطوها نخلوهاتخمر. نأخد لعجينة ونسرحها بالمدلك مع رشها باطحين مع ميزنة حتى نكملها ثم نأخد لمنكرين نحكها فوق لعجينة بالحكاكة لغليظة على جميع لعجينة ثم نطووها مثل لمسمنة نسرحها مرة تانية .ولكن نسرحها بالطول ثم نطوولعجين من لجهة لعليا ثم من لأسفل .نسرحها بالمدلك ونقطعهاعلى 2 نسرح لقطعة لأولى
على شكل مربع ثم نسرح فوقها لكريم باتسري ونرش فوقه الشكلاط حبيبات أو…ثم نلووها على شكل بودان ثم نقطع دوائربسكين حاد أو بالخيط (مثل الصور).كذلك نفس الطريقة للقطعة التانية. ثم نحلهم شوية بأصابعنا ونضهم في الاطة .نخلوهم إخمرو ندهنهم مزيان بالبيض ثم ندخلهم لفرن سخون من قبل 200 درجة حثى يتحمرو مزيان نخرجهم ندهنهم بالنبا ج نرش عليهم اللوز محمر.بالصحة كتجي غزالة. خرجت لية 34 شنيكة

1 2 3 4 5

شاهد أيضاً

1

تحضير بسطيلات الدجاج صغار بنكهة الحوت بطريقة سهلة واقتصادية والمداق خطير الحتفاظ بهم في المجمد

وصفة الاخت زينب المغير تبارك الله عليها مقادير : ورقة البسيطة كيلو ونصف دجاج كيلو …