كسكس بالتفاية والكرعة معسلة

مرحبا بكم
موقع عالم النساء يقدم لكم
كسكس بالتفاية والكرعة معسلة
طبقي لليوم انيقاتي كسكس بالتفاية نتمنى ينال اعجابكم


مقادير كسكس بالتفاية والكرعة معسلة

3دجاجات صغار أو على حساب كل واحد
2بصلات محكوكين
ربيع مقبط
2مطيشات محكوكين ،كأس زيت
ملح ،إبزار،سكين جبير ،خرقوم ،ملون ،أعواد قرفة ،ملعقة ك سمن
كناخدو العطرية والسمن كنخلطوهم بشوي الماء وكندهنو بيها الدجاج مزيان تم كناخدو البرمة و نديرو فيها الدجاج والبصل ونشحروهم تم نضيف المطيشة محكوكة ونزيد العطرية ونشحرهم مزيآآن ونروي ونخليهم إيطيبو

 
التفاية
كنحتاجو 4بصلات كبار مشنفين ،مغرفة ديال المرق لي كنوجدوه ،م ك قرفة مطحونة ،كأس سكر،م ص سمن ،شوية إبزار،ملح،سكين جبير،خرقوم .كنخلطو كلشي و نديروه فوق عافية مهيلة حتى تطيب مزيان و تتعسل

الكرعة معسلة
عملت نصف كيلو كرعة حمرا وضفت عليها كأس صغير سكر وشوية قرفة ومغرف ديال المرق لي وجدنا نخلوهم فوق عافية مهيلة حتى تطيب مزيان و تتعسل

 أو نوجدو الكسكس ديالنا طبعا ماغنحتاجش نقول الطريقة راكم تبارك الله عارفينها
ملي إيطيب الدجاج نزولوه من المرق و ندهنوه بالسمن و ندخلوه للفرن إيتحمر
للتقديم :ملي طاب الكسكس كنعملوه في قصرية و كنسقيوه بالمرق لي وجدنا أو نسمناه بشوية ديال السمن تم كنحطو
الدجاج و كنزينوه بالتفاية والكرعة معسلة و اللوز

 

شاهد أيضاً

Capture

طريقة مجربة لتنظيف سيراميك أو زليج ديال المطبخ

الطريقة 1: نقوم بتحضير مزيج من 7 أكواب ماء، 1/2 كوب من بيكاربونات الصودا ، …